Uđđâ luuhâmtááiđuh

Uđđâ luuhâmtááiđuh -haavâ ääigi pyevtittum materialeh Uđđâ luuhâmtááiđuh -ovdedemohjelmist pyevtittum medialuuhâmtááiđu já ohjelmistemmättim materialeh láá rahtum tuárjuđ nuuvt párnái já nuorâi ko pedagogisii pargovievâ já pargosiärváduvâi mättim arâšoddâdmist já ovdâ- já vuáđumáttááttâsâst.

• Medialuuhâmtááiđu materialeh ovdedeh párnái já nuorâi media tulkkum já pyevtittem tááiđuid já tááiđuid toimâđ mediapirrâsijn. Ohjelmistemmättim toorjâmaterialeh ovdedeh ohjelmistem miäldásii jurdâččem, totkee pargeldem já pyevtittem tááiđuid já tááiđuid addiđ ohjelmistum pirrâsijd já toimâđ tain.
• Amnâstuvah nanodeh máttáátteijei pedagogisii mättim medialuuhâmtááiđu já ohjelmistemmättim teemai máttááttâsâst. Siämmást toh fäälih pargopiergâsijd páihálii oovdedmân já media- já ohjelmistemtááiđui oovdedmân vijđes mättim häämist.
• Materialeh tuárjuh väldikodálii medialuuhâmtááiđu já ohjelmistemmättim kuvvim kiävtun väldimist. Amnâstuvah vuáđuduveh arâšoddâdemvuávám vuáđustâsâi já ovdâ- já vuáđumáttááttâs máttááttâsvuáváámij vuáđustâsâi miäldásii pedagogikân.
• Uápásmuu medialuuhâmtááiđu mättim kuvviimáid tääbbin. Uápásmuu medialuuhâmtááiđu já ohjelmistemmättim kuvviimáid tääbbin.

Uđđâ luuhâmtááiđuh -ovdedemohjelm ulmen lii nanodiđ párnái já nuorâi medialuuhâmtááiđuid, tiätu- já viestâdemteknologisii mättim já ohjelmistemmättim arâšoddâdmist já ovdâ- já vuáđumáttááttâsâst. Uđđâ luuhâmtááiđuh lii uási máttááttâs- já kulttuurministeriö vijđásub Vuoigâdvuotâ oppâđ -ovdedemohjelmist (2020–2023). Ovdedemohjelmist Aalmuglâš audiovisuallâš institut västid medialuuhâmtááiđu já ohjelmistemmättim uásiubâlâšvuođâin já Máttááttâshaldâttâs digitallii mättim sehe tiätu- já viestâdemteknologisii mättim uásiubâlâšvuođâst.