Čuávuváid koččâmušâid puáhtá kevttiđ iššeen animaatio keččâm ohtâvuođâst cuvnâđ savâstâllâm já tuárjuđ video teemai kieđâvuššâm.
- Magarijd jieškote-uvlágán tobdoid Mijia tobdá video jieškote-uv muddoin?
- Maht Mijian oroi ovdil jieijâs puhelin finnim? Nabai tast maŋa?
- Magarijd tobdoid tij arvâlvetteđ et Mijia lii tubdâm, ko sun ij peessâm luoka viestâjuávkun? Nabai maht Mijian oroi, ko sun lâi valdum fáárun juávkun?
- Magareh ääših tâi tábáhtusah videost lijjii tii mielâst kivsedem tâi epivuoigâliih tavoh? Mondiet?
- Magarijd aašijd vuoigâlâš já suotâs skippáár taha já ij toovâ jieijâs puhelimáin?
- Moh láá puhelimân rahtum viestâjuávhuh? Mii tain tábáhtuvá? Maht já mondiet ulmuuh čuákkejeh juávhuid? Mast tiätá, et kiäid puohháid ličij pyeri leđe monnii tiätu juávhust fáárust?
- Maht tun lohđuttiččih já ravviiččih Mijia tâi jieijâd ahasii párnáá, kiäs tábáhtuvá puhelin viestâjuávhust miinii unohâsâid?
- Mii lii tuu mielâst hitruumus skipárijguin tâi iärásijguin viestâdmist? Magarijn viestâin tâi aašijn tunjin lii šoddâm pyeri mielâ? Lah-uv motomin luhostum ilosmittiđ kiännii puhelimáin? Maid tun talle porgih?
Tekstâ: Rauna Rahja, Osuuskunta Dadamedia
Kove: Filmbutik
