Maht ovdediđ jo vuálá 3-ihásij párnái medialuuhâmtááiđu? Nabai maht movtijdittiđ vyeliškovlâlijd rähtiđ mediasiskáldâsâid kreativlávt? Maht movtijdittiđ paješkovlâlijd tarkkuđ media já ton almonijd tiätuäŋgirávt mut kriittisávt? Nabai moi vuovijguin ruokâsmittiđ párnáid já uáppeid kevttiđ já pyevtittiđ media torvolávt já ovdâsvástádâslávt?
Uápis läiđee ovdediđ medialuuhâmtááiđu arâšoddâdmist já ovdâmáttááttâsâst, iheluokkain 1-6 já iheluokkain 7-9 keevâtlij ovdâmeerhâi vievâst.
Pálgáh medialuuhâmtááiđun arâšoddâdmist já ovdâ- já vuáđumáttááttâsâst
Uápis lii almostittum väldikodálii Uđđâ luuhâmtááiđuh (Uudet lukutaidot) -ovdedemohjelm (2020–2023) uássin. Ohjelm fáálá tyejipiergâsijd medialuuhâmtááiđu, ohjelmistemmättim já digitallii mättim já tiätu- já viestâdemteknologisii mättim ovdedem várás arâšoddâdmist já ovdâ- já vuáđumáttááttâsâst. Taam ohjelm lii ruttâdâm máttááttâs- já kulttuurministeriö já olášuttám Aalmuglâš audiovisuallâš institut (Kansallinen audiovisuaalinen instituutti) KAVI sehe Máttááttâshaldâttâs (Opetushallitus).
