Pálgáh ohjelmistemmättimân arâšoddâdmist já ovdâ- já vuáđumáttááttâsâst

Kansallinen audiovisuaalinen instituutti

Aihetunnisteet:

Uásálâšvuotâ já aktivlâš tuáimeevuotâ digitallii mediakulttuurist já ohjelmistum pirrâsijn väätih maaŋgâlágán tááiđuid já máátu. Puohâin kolgâččii leđe täsiárvusiih máhđulâšvuođah hárjuttâllâđ já oppâđ digitallii maailmist tarbâšum tááiđuid.

Taat uápis fáálá tunjin pedagogilijd pálgáid já keevâtlijd ovdâmeerhâid arâšoddâdmist já ovdâmáttááttâsâst, iheluokkain 1-6 já iheluokkain 7-9 leijee párnái já nuorâi ohjelmistemmättim ovdedem várás.

Pálgáh ohjelmistemmättimân arâšoddâdmist já ovdâ- já vuáđumáttááttâsâst

Uápis lii almostittum väldikodálii Uđđâ luuhâmtááiđuh (Uudet lukutaidot) -ovdedemohjelm (2020–2023) uássin. Ohjelm fáálá tyejipiergâsijd medialuuhâmtááiđu, ohjelmistemmättim já digitallii mättim já tiätujá viestâdemteknologisii mättim ovdedem várás arâšoddâdmist já ovdâ- já vuáđumáttááttâsâst. Taam ohjelm lii ruttâdâm máttááttâs- já kulttuurministeriö já olášuttám Aalmuglâš audiovisuallâš institut (Kansallinen audiovisuaalinen instituutti) KAVI sehe Máttááttâshaldâttâs (Opetushallitus).