Čuávuváid koččâmušâid puáhtá kevttiđ iššeen animaatio keččâm ohtâvuođâst cuvnâđ savâstâllâm já tuárjuđ video teemai kieđâvuššâm.
- Animaatiost párnáin lii tablet fáárust meccimohheest. Maht já magarijn tilálâšvuođâin tablet tâi puhelin kiävttoo peeivi ääigi? Maggaar ävkki tâi hemâdâs tast puáhtá leđe jieškote-uv tilálâšvuođâin aargâst? Magareh njuolgâdusah tust tâi juávhust láá mediapiergâsij kevttim várás?
- Animaatiost tablet ruuvdust vilpâsteleh maaŋgâlágán ääših. Magarin tablettáin keččum siskáldâsah oroh párnái mielâst? Mast tom puáhtá kiäčudiđ?
- Maid párnááh pargeh ko uáinih paldee aašijd tabletist? Maid puáhtá jieš porgâđ, jis uáiná maidnii paldeid ovdâmerkkân televisiost tâi tabletist?
- Animaatiost mielâkuvviittâs finnee vääldi já párnááh huolâstuveh, et kuus Mari-máttáátteijee lii lappum. Lah-uv tun motomin poollâm, et mediast oinum ahevis tâi paldee ääših sátáččii tábáhtuđ tuođâi? Mast tiätá, et láá-uv media oovdânpyehtim persovneh tâi tábáhtusah tuođâliih vâi iä?
- Nabai magarijn aašijn media piällást (om. videoin, ohjelmijn, elleekuuvijn, kiirjijn) šadda pyeri mielâ? Savâstâllâđ párnái jieijâs mediavuáttámušâin. Magareh ääših mediast láá párnái jielâheh? Vuáttámušâid puáhtá kieđâvuššâđ maaŋgâ náál: sárgumáin, puuđâldmáin, draama vuovijguin tâi lihâdemsierâiguin.
- Savâstâllâđ, et maht jieškote-uv mediasiskáldâsah jiešalnees šaddeh. Maht uđđâseh tâi animaatio ráhtojeh? Keččâliđ rähtiđ jieijâd uđđâsijd oho tábáhtusâin tâi väldiđ já hammiistâllâđ kuuvijd kevttimáin ruánáá kággá teknik.
Tekstâ: Aalmuglâš audiovisuallâš institut (Kansallinen audiovisuaalinen instituutti) KAVI ja Riikka Vuorinen, Tuurku kaavpug
Kove: Filmbutik
