Mielde laktojuvvon gažaldagaiguin sáhttá ávkkástallat animašuvnna geahččama oktavuođas bohciidahttit ságastallama ja doarjut filmma temáid gieđahallama.
- Animašuvnnas mánás lea neahtuš (tabletti) mielde meahccetuvrras. Mot ja makkár diliin geavahuvvo neahtuš dahje telefovdna beaivvi mielde? Mii ávkkiid dahje hehttehusaid das sáhttá leat iešguđet diliin árgabeaivvis? Makkár njuolggadusat dus dahje joavkkus leat mediarusttegiid geavaheamis?
- Animašuvnnas nehttoša šearpmas livket máŋggalágan áššit. Makkár orru mánáid mielas nehttošiin gehččojuvvon sisdoallu? Mas dan sáhttá diehtit?
- Maid mánát barget, go oidnet balddihahtti áššiid nehttošis? Maid ieš sáhttá bargat, jus oaidná maid nu balddihahtti ovdamearkka dihtii televišuvnnas dahje nehttošis?
- Animašuvnnas miellagovahallan oažžu válddi ja mánáid fuolastuhttá, gosa Mari-oahpaheaddji lea jávkan. Leatgo goas nu ballan, ahte medias oidnojuvvon váivves dahje balddihahtti áššit sáhtášedje dáhpáhuvvat albma duođas? Mas diehtá, leatgo media ovdanbuktin figuvrrat dahje dáhpáhusat duohta vai eai?
- Naba makkár áššiin media olis (omd. filmmain, prográmmain, ealligovain, girjjiin) boahtá buorre miella? Ságastallet mánáid iežaset mediavásáhusain. Mat áššit medias leat mánáid jiellahat? Vásáhusaid sáhttá gieđahallat máŋgga láhkai: sárgumiin, buđaldallamiin, drámá vugiiguin dahje stohkosiin, main lea lihkadeapmi mielde.
- Ságastallet, mot iešguđet mediasisdoalut eigga šaddet. Mot ođđasat dahje animašuvdna ráhkaduvvojit? Geahččalehket ráhkadit iežadet ođđasiid vahku dáhpáhusain dahje váldet ja gieđahallet govaid ruoná gággása teknihkain.
Teaksta: KAVI ja Riikka Vuorinen, Turku gávpot
Govva: Filmbutik
